Яңа ел якынлаша

Традиция буенча биредә чыршы бизәү буенча иң яхшы авыл җирлекләре бүләкләнәчәк. Бәяләгәндә балалар мәйданчыкларының торышы, территорияне, шугалакны бизәү, кар сыннары булу исәпкә алыначак. Район башлыгы Фаил Камаев билгеләп үткәнчә, узган елдагыча бакчалардагы ясле төркемнәреннән башлап 11нче сыйныфка кадәр барлык балаларга да Яңа ел бүләкләре тапшырылачак. Исемлектә барлыгы 5300 бала. Ә район башлыгының Чыршы бәйрәме 30 декабрьдә узачак. Бу чарада аеруча сәләтле балалар, укуда, спортта, район тормышында аерылып торган активистлар бүләкләнәчәк.