Волонтерлар ярдәмгә килә

Коронавируска бәйле эпидемиологик хәлнең начарлануы сәбәпле, 1 ноябрьдән Татарстанда «Без бергә» дигән хэштег астында волонтерлар штабы яңадан үз эшен башлап җибәрде. Алар, элеккечә үк, өлкәннәргә азык-төлек, дарулар китерү, медицина учреждениеләрендә ярдәм итү кебек эшләрне бушлай башкарачаклар. Республикада яшәүче өлкән буын кешеләре ярдәм кирәк чакта 8-800-200-34-11 номеры буенча шалтыратып ярдәм сорый алалар. «Тукай районында яшәүчеләр исә мондый төр ярдәмнән үзләре яшәгән авыл җирлекләренә шалтыратып файдалана алачак», – диде район социаль яклау идарәсе башлыгы Ландыш Бариева.