Вируслы авырулар көчәя

admin, 14 сентябрь 2021 - 10:33

561

Коронавируска каршы прививка ясау дәвам итә. Тукай районында яшәүче 13 меңнән артык кеше вакцина кадаткан инде.

Якын көннәрдә районга гриппка каршы вакцина кайтуы да көтелә. Көннәр салкын тору сәбәпле, хәзер организмның чиргә иң тиз сабыша торган вакыты, ди табиблар. Шуңа күрә профилактика-саклану чараларын күрү мөhим. Хәзер инде маска киеп йөрергә дә өйрәнеп беттек. Әмма шәхси гигиена кагыйдәләрен онытырга ярамый: бүлмәләрне җилләтергә, дезинфекция чараларын даими үткәреп торырга киңәш итә белгечләр.
Татарстан Сәламәтлек саклау министрлыгы мәгълүматларына караганда, узган тәүлектә республикада коронавирус йоктыруның 52 яңа очрагы теркәлгән. Прививка ясатучылар – 1038411 кеше.