Унике үсмер прививка ясаткан

admin, 25 февраль 2022 - 09:59

644

Бу көннәрдә республика җитәкчелеге карары белән транспортта, сәүдә үзәкләрендә QR-код күрсәтүне таләп итми башласалар да, кеше күп йөри торган җирләрдә маска кию әле дә актуаль. Ковидлы авырулар кими төшсә дә, яңа очраклар әле теркәлеп тора.

Хәзерге вакытта коронавирус белән авыручылар саны илдә 170 меңнән артык кешене тәшкил итә, ә республикада андыйларның саны 3 меңнән артык. Тукай районында исә атна башына коронавирус (расланган диагноз) белән авыручылар 316 кеше, расланмаган диагнозлы авырулар 152 кеше иде. Вакцинациягә килгәндә, коронавируска каршы вакцинаның беренче һәм икенче компонентын җәмгысе 39 мең 014 кеше кадаткан. 60 яшьтән өлкән кешеләр арасында вакцинация ясату 81,3 процентка үтәлгән. Шулай ук район дәваханәсенә яшүсмерләр өчен кайтарылган 30 доза вакцинаны 12 кеше кадаткан, дип хәбәр итте дүшәмбе киңәшмәсендә районның баш табибы Галим Сабирҗанов.