Тукай марафонында катнашырга ашыгыгыз

18 гыйнвардан алып 30 апрельгә кадәр районда Тукай марафоны оештырыла. Бу хакта район китапханәләр челтәрләре системасы белгечләре хәбәр итә. Марафон максаты - балаларны, яшүсмерләрне, өлкән абый-апаларны китап укуга тарту, яшьләрне милли мәдәният һәм туган тел кебек төшенчәләр белән таныштыру, патриотик тәрбия бирү. Оештыручылар шагыйрь иҗатына багышлаган күргәзмәләр оештыру, шулай ук Тукайның әсәрләрен шәхси яки төркемнәргә җыелып уку һәм әңгәмә алып бару, викториналарда һәм әдәби турнирларда катнашу кебек биремнәр тәкъдим итә. Башкарылган эшләр отчетын «ВКонтакте» социаль челтәрдәге «КультУРА - начинается с меня» төркеменә, #МарафонТукая хэштегы куеп урнаштырырга кирәк.