Торак-коммуналь хезмәтләре өчен 24 миллион сум бурычы җыелган

admin, 21 ноябрь 2018 - 12:15

895

Тукай районында яшәүчеләрнең торак-коммуналь хезмәтләре өчен 24 миллион сум бурычы җыелган. Алар идарә итүче компанияләр һәм торак милекчеләре ширкәтләренең эшенә комачаулый.

Хакимияттә үткән атналык киңәшмәдә әлеге проблемадан чыгу юлларын эзләделәр. Суд приставларына гына таянып булмый. Алар өлгерә алмый, берьюлы шәһәр һәм районга хезмәт күрсәтә. Фатир өчен түләмәгән һәркем белән индивидуаль эшләү бурычы куелды. Башкарма комитет җитәкчесе Ленар Авзалов «Юл приставы» программасын куллану планы барлыгын әйтте. Аның ярдәмәндә суд приставлары бурычлыларның автомобиленә арест салачак.