Терлек азыгы әзерлибез

Бүгенгә күпьеллык үләннәр һәм азык катнашмалары барысы 2582 гектарда чабылган. 1025 тонна печән, 10 тонна яфраказык әзерләнгән, 1522 тонна сенаж салынган. Сәйдәшев исемендәге, «Р-Агро», «Гигант», «Ярыш», «Биклән» хуҗалыкларында, «Тукай азык-төлек корпорациясе»ндә эш актив бара. Бу атнада көннәрнең аяз булуы көтелә, шуңа күрә бар көчне терлек азыгы әзерләүгә бирү мөһим, диләр белгечләр. Шулай ук, үсемлекләр файдалы матдәләрен югалтмасын өчен, барлык технологияләрне үтәргә һәм үләннәрне чабуны вакытында башкарырга кирәк.