Якты юл
  • Рус Тат
  • Техника ремонтлыйлар

    2020 елгы кыр эшләренә әзерлек кысаларында район хуҗалыкларында техниканы кышкы саклауга кую һәм ремонтлау барышын тикшерү узды. Комиссия хуҗалыклар тарафыннан башкарылган эшкә уңай бәя бирде. Соңгы елларда хуҗалыкларның техника сакланышын тәэмин итүгә карата мөнәсәбәтләрен яхшыртулары күзәтелә, дип билгеләп үтте комиссия әгъзалары. Барлык хуҗалыкларда да комбайннар чистартылган, юылган һәм аерым өслеккә куелган.

    Нәтиҗәләр түбәндәгечә билгеләнде: беренче урында «Кама» агрофирмасының Теләнче Тамак бүлекчәсе, икенче урында – Сәйдәшев исемендәге хуҗалык, өченче урынга «Кама» агрофирмасының Новотроицкое бүлекчәсе чыкты. Дүртенче урынны «Ярыш», «Гигант», «Р-Агро» хуҗалыклары бүлеште. Бишенче урынга «Биклән» җитештерү кооперативы чыкты. Әйтергә кирәк, техника ремонтлау декабрь аенда төгәлләнергә тиеш.

    Нравится
    Поделиться:
    Реклама
    Комментарии (0)
    Осталось символов: