Сыйфат контрольдә

Казначейлык департаментының территориаль бүлеге башлыгы Алсу Харисованың белдерүенчә, быел үзара салым акчасы 56 млн сум тәшкил итә. Аның 15,2 млн сумы – гражданнардан җыелган акча, 40,8 млн сумы – республика бюджетыннан. Башкарылган эшләрне капиталь төзелеш хезмәте белгечләре, Казначейлык департаменты территориаль бүлеге эксперт-белгечләре, авыл җирлекләре башлыклары, подрядчы оешмалар вәкилләре составындагы комиссия кабул итә. Бәяләүнең төп критерийлары – эшнең сыйфаты һәм вакытында башкарылуы. Тикшерүләр Иштирәк, Әҗмәкәй, Калмаш, Круглое Поле, Биклән, Мәләкәс һәм Күзкәй авыл җирлекләрендә үтте. Белгечләр эшне тәмамламауга кагылышлы җитешсезлекләрне билгеләде. Алар октябрь ахырына кадәр төзәтелергә тиеш.