Рәсем бәйгесе

admin, 12 февраль 2020 - 13:20

765

ТР Яшьләр эшләре министрлыгы һәм «Идел» яшьләр үзәге «Тарих эзләреннән» дип аталган рәсемнәр конкурсы игълан итә. Пейзаж, портрет яки башка формадагы иҗат эшләрендә татарларның тарихы, вакыйгалар, шәхесләр чагылдырылырга тиеш.

Эшләрдә авторның тарихка мөнәсәбәте күренү шарт. Бәйге лауреатлары дипломнарга һәм истәлекле бүләкләргә лаек булачак. Конкурста 7-17 яшьлек балалар катнаша ала. Эшләрнең оригиналларын 2020 елның 1 мартына кадәр Казан шәһәре, Г.Тукай урамы, 58 йорт, 307 офиска тапшырырга кирәк. Бәйгенең нигезләмәсе белән район Яшьләр эшләре, спорт һәм туризм бүлегендә, шулай ук Вконтакте битендә http://vk.com/otdel_molodezhy_tuk адресы буенча танышырга була.