«Мәктәпкә җыенырга ярдәм ит» акциясендә хакимият җитәкчеләре дә катнаша

Аларның мәктәп бусагасын тәүге тапкыр атлап керү бәйрәмен тагын да күркәмрәк итү өчен хәйрия акциясендә оешма-предприятие җитәкчеләре катнаша. Атналык киңәшмәдә башкарма комитет җитәкчесе Фаил Камаев әлеге чарага аеруча басым ясады. «Шәфкать» халыкка социаль хезмәт күрсәтү үзәге җитәкчесе вазифаларын башкаручы Гөлнур Исмәгыйлева әйткәнчә, җыелган сумма дүшәмбе иртәсенә 55 мең сум тәшкил итә иде. Бу акчалар «ТМИМ», «Р-Агро», «Ярыш» хуҗалыклары, «Татарстан коммуналь челтәрләре» һәм «Тукай җылылык һәм газ предприятиесе»ннән килгән. «Үз җирлегебезнең сабыйлары, аларга без дә ярдәм итмәсәк, кем ярдәм итәр. Хәйрия чарасында шулай ук хакимиятнең бүлек җитәкчеләрен дә катнашырга чакырам», – дип, Фаил Мисбахович җитәкчеләргә ышанычын белдерде.