Марат Әхмәтов Тукай районын авыл хуҗалыгында уңышлы эшләүче район дип атады

Марат Әхмәтов Татарстандагы алдынгы авыл хуҗалыгы предприятиеләрен атады. Татарстан авыл хуҗалыгы һәм азык-төлек министры “Татмедиа” АҖ генераль директоры Андрей Кузьминга “Татар-информ” агентлыгы өчен биргән интервьюдаалдынгы авыл хуҗалыгы предприятиеләре турында сөйләде.

“Компанияләр арасында “Агросила”ны аерып әйтеп була. Фермаларында 1,5 млн тонна чөгендер үстерә. Министр буларак эшли башлаган вакытта бөтен республикада 450-600 мең тонна уңыш алабыз, дип хисап тота идек. Ә монда бер компания 1,5 млн чөгендер үстерә”, - диде Әхмәтов.

“Ак Барс” холдингы кошчылык һәм дуңгызчылык өлкәсендә яхшы күрсәткечләргә ирешә, диде ул.

„Камский бекон“ компаниясе бервакытта 260 мең баш дуңгыз үстерә”, дип әйтте министр.

Марат Әхмәтов Зәй, Тукай һәм Азнакайны авыл хуҗалыгында уңышлы эшләүче районнар дип атады. Аның сүзләренчә, республикада сөтчелек өлкәсендә Әтнә, Балтач, Кукмара һәм Актаныш алдынгылар рәтендә.