Күршеләренә керергә башы эшләгән

admin, 28 август 2019 - 13:45

1204

Районда ел башыннан 140 янгын очрагы теркәлгән. Утта бер кешенең гомере өзелгән. Узган атнада исә барысы биш янгын булган.

Теләнче Тамакның Мәктәп урамында мунчага ут капкан. Сәбәбе – ут төртү. «Весна-1» бакчачылык ширкәтендә ташландык төзелеш янган. «Татарстан» совхозы поселогында ике сарай янып көлгә әйләнгән. Ут кабуның сәбәбе – саксызлык. Биклән авылында салам калдыкларына ут капкан. 24 августта «Искра» бакчачылык ширкәтеннән янгын турындагы хәбәр төнге сәгать 4тә алынган. 66 квадрат метр мәйданлы йорт бөтенләй янып беткән. Исерек хәлдә күршеләренә кереп йоклаган хуҗа ир-ат тәмәке төпчеген сүндермичә ташлаган дип фаразлана.