Кем ничек эшли?

Аларның эшен күпсанлы критерийлар буенча күздән кичерделәр: җирлектә яшәүчеләрнең социаль-икътисадый хәле, демография, торак төзелеше, төзекләндерү, шәхси ярдәмче хуҗалыклар, крестьян-фермер хуҗалыклары буенча күрсәткечләр. Авыл хуҗалыгы буенча республика программаларында катнашып, грантлар алу һәм үзмәшгуль булып теркәлү, авыл җирлекләрендә үзара салым җыю мәсьәләләре дә ахыргы нәтиҗәгә уңай йогынты ясый. Әлеге тикшерүләр буенча һәр авыл җирлегенә баллар куелачак. Аларны санап, рейтинглар билгеләнәчәк.