Җитди карарга кирәк

admin, 21 октябрь 2020 - 09:50

671

Коронавирус инфекциясе таралуны кисәтү максатыннан районның сәүдә объектларында, транспорт чараларында саклану кагыйдәләренең үтәлешен тикшерү буенча һәр көнне рейдлар үтә.

Узган атнада кибетләрдә эпидемиягә каршы таләпләрне үтәмәүнең 33 очрагы һәм транспортта битлекләрсез йөрүнең 5 очрагы ачыкланган. Бу уңайдан «Пассажирлар йөртү» ассоциациясе җитәкчесе Равил Төхбәтуллин битлекләрне автобуста сатуны да оештыруларын әйтте.
Район башлыгы Фаил Камаев сәламәтлекне саклауга бик җитди карарга чакырды. «Инде үзебезнең арада да коронавирусны үткәрүчеләр, авыр формасын кичергән кешеләр күп», – диде.
Рейдлар исә алга таба да дәвам итәчәк.