Исерек йөртүчеләр һәрдаим тоткарлана

admin, 8 сентябрь 2021 - 09:32

680

6 сентябрь көнне ЮХИДИ инспекторлары Яр Чаллы шәһәре – «Горизонт» бакчачылык ширкәте – «Радуга» ял базасы юлында төнге сәгать 12 тулгач «Лада Гранта» машинасын туктаталар.

Аның йөртүчесен – Чаллыда яшәүче 35 яшьлек ир-атны алкоголь куллануга тикшерәләр. Прибор ир-атның исерек икәнлеген күрсәтә. Ир-атның автомобиле штрафстоянкага җибәрелә, үзе район Эчке эшләр бүлегенең дежур частена озатыла. Тикшерү барышында машина йөртүченең алкоголь кулланып руль артына утырган өчен 2021 елның январенда машина йөртү хокукыннан мәхрүм ителгән булуы ачыклана. Бу юлы инде ир-атка җинаять җаваплылыгы яный.