Иммунитетың нык булсын дисәң

admin, 14 август 2020 - 15:20

768

Төрле чирләргә бирешмим дисәң, әлбәттә иммунитетыңның ни дәрәҗәдә авыруларга каршы торучан булуы хакында уйланырга кирәк. Әгәр еш авырыйсың, төрле вирусларга тиз арада бирешәсең икән, димәк иммун системасы көчсез дигән сүз. Ә ныклы иммунитет – вирус иярүдән, үпкәгә салкын тиюдән, томау төшүдән, ютәлдән саклый. Иммун системасын ничек ныгытырга соң? Берничә киңәш:

Өйдә алоэ, сарымсак, имбирь, лимон, бал бар икән, иң элек эшне шулардан башларга кирәк. Аларны ничек итеп кулланырга соң?
1.Бер баш сарымсакны һәм лимонны угычтан уабыз да, суга салып 3-4 көн караңгы урында төнәтәбез. Аннан аны иммунитетны ныгыту өчен бер ай дәвамында 1 аш кашыгы эчәргә киңәш ителә.
2. 1 стакан бал, 50 гр имбирь тамыры, 1 лимон алабыз. Лимонны кабыгы белән бергә угычтан уабыз. Имбирьне әрчеп, вак итеп турыйбыз. Банкага салып, өстенә бал салып әйбәтләп болгатабыз. Ике ай дәвамында, караңгы, салкын урында төнәтәбез. Әзер булгач көненә 3 тапкыр, бер аш кашыгы күләмендә эчәргә кирәк.
3. 1:1 күләмендә алоэ согын һәм сыек бал алабыз. Икесен бергә кушып әйбәтләп болгатып бәләкәй банкага салып куябыз. Ашаганнан соң көненә өч тапкыр, бер бал кашыгы эчеп куярга киңәш ителә.