Җиде бала өчен

admin, 16 июнь 2022 - 12:55

409

Туган балалар өчен Дәүләт торак фондының социаль ипотека программаларында катнашучыларга 200 мең сум күләмендә түләүсез субсидия бүлеп бирелә. 2022 ел башыннан республикада мондый түләүләрне 1035 гаилә алган.

Субсидияне исәпкә куелганнан соң туган яки уллыкка алынган һәр балага бирәләр. Бу түләүне беренчел взнос буларак кулланырга яки алынган социаль ипотеканы түләүгә юнәлдерергә мөмкин. Тукай районында бер гаилә җиде бала өчен 1,4 млн сумлык субсидия алган һәм аның ярдәмендә ипотеканың зур өлешен япкан.