Хөрмәтле райондашлар!

Барыгызны да чын күңелдән Бөек Җиңү көне белән котлыйм. Бу куанычлы, шатлыклы һәм шул ук вакытта сагышлы да бәйрәм халкыбыз өчен ныклык, батырлык һәм чын ватанпәрвәрлек символына әверелде. Киләчәк буыннарның матур, тыныч тормышы өчен гомерләрен биргән әтиләребез һәм бабаларыбызның тиңдәшсез сугышчан батырлыгы - бүген барыбыз өчен дә матур өлге. Илебезне фашист илбасарларыннан азат иткәндә һәлак булган батыр көрәшчеләр, сугыш яраларын җаннарында һәм тәннәрендә йөрткән ветераннарыбыз алдында бүген без баш иеп олы рәхмәтләребезне җиткерәбез, батырлык һәм тәвәккәллекләренә сокланабыз. Сезнең алда без чиксез бурычлы. Туганнарыгызның һәм якыннарыгызның игътибарын, йөрәк җылысын тоеп, имин тормышта яшәгез.

ТР хәрби комиссариатының Яр Чаллы шәһәре Комсомол районы һәм Тукай районы бүлеге башлыгы Дамир Вәлиев.