Эпидемиологик таләпләрнең үтәлүе мөһим

admin, 13 октябрь 2021 - 15:44

616

Район Эчке эшләр бүлегеннән хәбәр итүләренчә, узган атнада дежур частька 151 мөрәҗәгать кергән. Бу алдагы атнадан 7,9 процентка күбрәк. Бер атнада 4 җинаять эше кузгатылган. Аларның 3есе ачылган (2се үтерү белән янау, 1се – урлау). 1 урлау очрагы ачылмаган.

Коронавирус инфекциясе таралуны чикләү максатыннан авыллардагы сәүдә объектларында рейдлар үткәрелгән. Кибетләрдә эпидемиологик таләпләрне үтәмәүнең 53 очрагы ачыкланган.
Төрле хокук бозулар өчен административ җаваплылыкка 67 кеше тартылган. Алдагы атнада андыйлар саны 75 булган.
Юл-транспорт һәлакәтләренә килгәндә, бүлеккә бу турыда 7 мөрәҗәгать кергән. 6 һәлакәт матди зыян белән бәйле, 1сендә сәламәтлегенә зыян алучы 2 кеше бар. 3 октябрьдә Яр Чаллы – Водозабор – Яңа поселогы юлында «Лада Веста» автомобиле һәм «Тойота Королла» машинасы бәрелешә. Беренче машинаның йөртүчесе һәм пассажиры имгәнүләр ала.