Әдәп-әхлак дәресләре

admin, 14 декабрь 2019 - 08:40

914

Калмия мәктәбендә район имам-мөхтәсибе Җәүдәт хәзрәт Харрасов укучылар белән очрашты.

Матур традициягә әйләнгән бу очрашулар балаларга әдәп-әхлак дәресләре бирү максаты белән оештырылган иде. Җәүдәт хәзрәт Харрасовның тормыштан алынган кызыклы кыйссалар, пәйгамбәрләр тарихыннан мавыктыргыч риваятьләр белән баетылган вәгазьләрен укучылар зур кызыксыну белән тыңладылар. Имам-мөхтәсиб укучыларны кызыксындырган сорауларга җаваплар бирде. Бу очрашу алда үткәреләчәк зур чарага әзерлек тә булды – 20 декабрьдә шушы ук мәктәптә укучылар, командаларга бүленеп, әдәп-әхлак темасына брейн-ринг үткәрәчәкләр.