Бәйрәмегез белән!

17 апрель Россия Федерациясе эчке эшләр органнары ветераннары көне буларак билгеләп үтелә. Тукай районы эчке эшләр бүлегендә озак еллар намус белән хезмәт итеп, бүгенге көндә лаеклы ялда булган ветераннарны бәйрәм белән ихлас котлыйбыз.
Хөрмәтле ветераннар! Сез гомерегезнең иң матур елларын шушы хезмәткә багышлагансыз. Фидакарь хезмәтегез өчен сезгә чын күңелдән рәхмәт белдерәбез. Сез төпле киңәшегез, тормыш тәҗрибәгез белән яшь буынны тәрбияләугә зур өлеш кертәсез. Гомерегезнең һәр көнен сәламәтлек, җан тынычлыгы, йөрәккә яшәү көче өстәүче уңышлар белән каршылагыз. Хезмәттәшләрегезнең ихтирамын, якыннарыгызның күңел җылысын тоеп яшәгез. 

Тукай районы эчке эшләр бүлеге башлыгы, полиция полковнигы Владимир Елисеев.