ТР Гидрометеорология һәм әйләнә-тирә мохитне күзәтү идарәсе белгечләре фаразы буенча, бүген республикада аязучан болытлы һава торышы көтелә.
Төнлә явым-төшемнәр булмый. Көндез урыны белән бераз яңгыр явуы ихтимал.
Җил көньяк-көнчыгыштан 6–11 м/с белән исәчәк, көндез урыны белән тизлеге 15–17 м/с кадәр көчәергә мөмкин, дип хәбәр итә синоптиклар.
Төнлә һава температурасы кабат түбәнәеп, 0…+5˚ гына калачак, кайбер урыннарда -5˚ кадәр суытып, кырау төшәргә дә мөмкин. Көндез температура күтәрелә, +14…+19˚ кадәр җылы булачак.
Нет комментариев