Якты юл
  • Рус Тат
  • Балаларга тагын 10 мең сум биреләчәк

    3 яшьтән 16 яшькә кадәр балалары булган һәр гаилә, РФ Президенты Указы нигезендә, июнь аенда 10ар мең сум акча алган иде. Пенсия фонды идарәсе хәбәр итүенчә, әлеге акча июль аенда да түләнәчәк. Ул опекуннарга, балалыкка алучыларга да биреләчәк. 10 мең сум акча 3 яшькә кадәрге балаларга апрельдән бирелә башлаган 5 мең сумга да өстәләчәк. 

    Түләүне алу өчен беркая да мөрәҗәгать итәргә кирәкми. Пенсия фонды аны алдан бирелгән гаризалар буенча күчерәчәк. Ә инде кем әлеге акчаны сорап пенсия фондына гариза язарга өлгермәгән, аларга бу эшне башкарырга туры киләчәк. Моның өчен тагын өч ай вакыт кала. Гаризалар кабул итү 30 сентябрьгә кадәр дәвам итә. 
    Ата-аналарга ярдәм йөзеннән Пенсия фонды сайтында 3 яшькә кадәрге һәм 16 яшькә кадәрге балаларга түләүләр буенча еш бирелә торган сорауларга җаваплар урнаштырылган. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: