Баерга теләгән, әмма булганын да югалткан

admin, 16 сентябрь 2019 - 14:15

1195

Тикшерү комитеты тикшерүчесе дип таныштырган ханым Әлмәттә яшәүче 53 яшьлек ир-атка элек сатып алган БАДлар өчен 12 миллион сум күләмендә компенсация түләүләре булачак дип хәбәр итә.

Беркатлы ир «тикшерүче» сүзләре буенча гариза яза һәм почта аша җибәрә. Бераз вакыттан «хокук саклау органнары тәкъдиме белән беркетелгән адвокат» аның белән элемтәгә керә, ә берничә көннән судта җиңеп чыгуларын хәбәр итә.
Миллионнарны алу өчен әлмәтледән акча күчерүен сорыйлар. Үз машинасын залогка куеп, ир 349 мең сум акчасын күчерә. Соңрак аңа тагын 232 мең сум акча кирәклеген әйтәләр. Бу юлы ул 470 мең сум кредит рәсмиләштерә. Шулай итеп, ул 12 млн сумга өмет итеп, 701 меңеннән колак кага.
Әмма вәгъдә ителгән 12 млн сум акчаны аңа юллаучы булмый. Әлмәтле, алдануын аңлап, полициягә мөрәҗәгать итә. Хәзерге вакытта җинаять эше кузгату мәсьәләсе тикшерелә.