Алтын билге бирелде

Районда 2015 елдан башлап барлыгы 4545 кеше ГТО нормаларын тапшырган. Бу программада 2015 елда мәктәп укучылары гына катнашса, 2016 елда студентлар да өстәлә, ә 2017 елдан инде бар тукайлылар да хезмәткә һәм оборонага әзерлекләрен күрсәтә башлый.

Яшьләр эшләре, спорт һәм туризм бүлеге җитәкчесе Илнур Гәрәев әйткәнчә, ГТО нормаларын тапшыручыларның 1662се алтын, көмеш һәм бронза билгеләргә лаек булган. Кичә атналык киңәшмәдә 14 тукайлыга шушындый билгеләр тапшырылды. Алар арасында Балалар һәм яшүсмерләр спорт мәктәбе директоры Ришат Мөбарәкҗанов, Борды авыл җирлеге башкарма комитеты җитәкчесе урынбасары Фәйрүзә Фәсхиева һәм Федераль судья Ралиф Гайфуллин алтын билгегә лаек булды.