Алма пирогы

Кирәк: 3 йомырка, 1 стакан шикәр комы, 1 кап камыр көпшәкләгеч, 1 кап маргарин, 1 кап ванилин, аз гына тоз, он, 5-6 алма.
Эш тәртибе: Маргаринны эретеп, 3 йомырка сарысы, 0,5 стакан шикәр комы, он, тоз, камыр көпшәкләгеч, ванилин кушып, уалучан камыр басабыз. Аның 1/3 өлешен туңдыргычка куябыз. Калганын кул белән тигез итеп табага җәябез. Өстенә алма уабыз. Калган 0,5 стакан шикәр комын йомырка агы белән туглыйбыз. Аны алма өстенә агызабыз. Пирогның өстенә туңдыргычтан алынган камырны эре угычтан уып сибәбез. Пирогны 180 градуска кадәр кызган мичтә 30-35 минут пешерәбез. Чәйләрегез тәмле булсын!

/фото редакция архивыннан