Яшь бадминтончылар көч сынашты

admin, 3 апрель 2021 - 10:10

653

27 мартта Түбән Суыксу авылының «Алга» спорт комплексында бадминтон ярышы үтте.

Анда спортның әлеге төре белән бер-ике ел элек кенә шөгыльләнә башлаган балалар район спорт мәктәбе беренчелеге өчен көч сынашты. Ярышка Тукай районыннан һәм Чаллыдан барысы 64 яшь спортчы килде. Күп балалар өчен бу беренче старт булды. Чөнки катнашучылар арасында бакча яшендәгеләр дә бар иде. Барлык җиңүчеләргә дипломнар һәм медальләр бирелде.