Кнәз авылы яшьләре теннис уйнады

Шушы көннәрдә Кнәз авылының мәдәният йортында авыл җирлеге яшьләре арасында өстәл теннисы буенча спорт ярышлары үтте. Анда Рияз Хаҗиев, Илназ Гайнетдинов, Ренат Багаутдинов, Даниил Бесценный, Алексей Смаев, Станислав Веретенников, Алексей Понамарев, Николай Аксанов катнаштылар. Уен барышында спортчы егетләр үзләренең бар осталыкларын, кыюлыкларын, җитезлекләрен күрсәттеләр. Нәтиҗәдә беренче лаеклы урынга Илназ Гайнетдинов чыкты. Икенче һәм өченче урыннар Рияз Хаҗиев белән Станислав Веретенниковка бирелде. Җиңүчеләрне Кнәз авылының мәдәният йорты хезмәткәрләре бүләкләде, җиңүләре белән тәбрикләде.

Фото Тамара Тузеева тарафыннан бирелде.