Стажың күп булса, пенсиягә иртәрәк  чыгасың

Җавап: Ир-атларның 42 елдан, хатын-кызларның 37 елдан ким булмаган иминият стажы бар икән, картлык буенча иминият пенсиясе ике елга алданрак билгеләнә. Ләкин ир-атларга 60 яшьтән, хатын-кызларга 55 яшьтән дә иртәрәк түгел. 
Ир-атларның 42, хатын-кызларның 37 еллык эш стажын исәпләгәндә түбәндәгеләр искә алына:
– Россия Федерациясе территориясендә хезмәт кую яки эшчәнлек алып бару шарт. Эшләгән чор өчен Пенсия фондына иминият кертемнәре күчкән булырга тиеш;
– вакытлыча эшләмәгән чорда мәҗбүри социаль иминиятләштерү буенча пособие алган еллар.
Ләкин шунысы бар, 1,5 яшькә кадәр бала белән өйдә утыру, хезмәткә яраксыз гражданнарны карау, чакырылыш буенча армиядә хезмәт итү еллары иминият стажына керми һәм пенсиягә алдан чыгу мөмкинлеге бирми.