Аталык хокукыннан мәхрүм ителде

РФ Гаилә Кодексының 69 маддәсе нигезендә, баласына карата бурычларын үтәмәгән ата яки ана ата-аналык хокукыннан азат ителә ала. Бу алимент түләмәүчеләргә дә кагыла. Әлеге мөрәҗәгать буенча тикшерү барышында әти кешенең, чыннан да, кызын тәрбияләүдә катнашмавы, алимент түләмәве ачыкланган. Гражданлык эшен карау вакытына әлеге ир-атның алиментлар буенча бурычы 700 мең сумнан артып киткән. Мәгълүматның дөреслеге опека һәм попечительлек бүлеге аша да тикшерелгән һәм баланың әнисенең сүзләре расланган. Шулай итеп, суд гаризаны канәгатьләндергән, ир-атны аталык хокукыннан мәхрүм иткән.