Якты юл тег белән яңалыклар

• 23 июнь 2018

  Каләме тутыкмас журналист, безнең яраткан остазыбыз

  – Биредә Заһидә Нәбиуллина утыра иде, эшлиме әле ул? Хат алып килгән идем, – диеп, редакциягә әле бүген дә еш килеп керәләр. – Юк инде, Заһидә апа хәзер Күзкәйдә, – дигәч, телефонын сорап алалар, хәлләрен белешәләр. «Менә ике генә җөмлә язып алып килә,  я булмаса, почтадан җибәрә идек, шуннан кәнфит ясап, шундый зур һәм матур мәкалә итеп чыгара иде, – дип сөйләп китәләр аннары. 

  
• 20 июнь 2018

  Сабан туе бәйрәме бар райондашларны үзенә җыйды 

  Шаулап-гөрләп 2018 елның да район Сабан туе узып китте. Әйтергә кирәк, бик күңелле, оешкан төстә үтте милли бәйрәмебез. Сабантуй тәмамлангач та, әле күпләр килеп оештыручыларга рәхмәтләрен әйттеләр, редакция хезмәткәрләре янына килеп тә, рәхмәтебезне газета аша җиткерегез әле, диючеләр булды. Райондашларның һәм килгән кунакларның бәхетенә, һава торышы да бик уңай торды – Сабантуй озак көтелгән җылы көннәрне алып килде. Халык Кызыл Байрак авылы аланында рәхәтләнеп күңел ачты, уеннарда, конкурсларда, спорт чараларында катнашты.

  
• 08 июнь 2018

  Александр Сколков:  «Шушы районда яшәп, аның газетасын укымауны күз алдына китерә алмыйм»

  Редакциягә бер укучыбыз шалтыратты. «Мин газетаны күптәннән алдырам, – диде ул. – Элекке вакытларда сезнең беренче биттә татар шагыйре Габдулла Тукайның мәгълүм бер цитатасы языла иде. Шул юкка чыкты. Ә бит ул бик мәгънәле, гыйбрәтле сүзләр», – дип әлеге әңгәмәдәшебез шул газетаны хәтта алып килеп күрсәтә алам дип белдерде. Әлбәттә инде, аны редакциягә чакырдык.

  
• 08 июнь 2018

  Газетаның чыгу көннәре үзгәрә

  Россия көне һәм Ураза бәйрәме уңаеннан район газетасының чыгу көннәрендә үзгәрешләр бар.

• 07 июнь 2018

  Сабан туенда «Якты юл» үз мәйданчыгын ача

  Район Сабан туенда үз укучыларыбызны көтәбез. Яланның түр як өлешендә, балалар һәм «Күңел» радиосы мәйданчыклары янында «Якты юл» газетасы да урын алачак.

• 16 май 2018

  Футболны Казан-аренада гына түгел, Бикләндә да уйныйлар

  Билгеле булганча, бу елны футбол буенча Дөнья чемпионаты Россиядә узачак. Чемпионат 14 июньнән 15 июльгә кадәр дәвам итәчәк. Башкалабыз Казанда турнирның алты матчы узачак: Казан-Арена стадионында Франция – Австралия, Испания – Иран, Польша – Колумбия һәм Германия – Корея төркемнәре арасында матчлар була. Шулай ук Татарстан башкаласында финалның сигездән бер матчы һәм бер чирек финал матчы уза. Дөнья чемпионаты уеннарына әзерлек кысаларында, районда да спортның бу төренә махсус игътибар бирелә. Мисал өчен, шимбә көнне ике зонада – Биклән авылында һәм Новотроицкое поселогында 2003 елда туган һәм аннан яшьрәк егетләр арасында футбол турниры узды. Финалга чыгар өчен үзара 12 команда көч сынашты.

  
• 16 май 2018

  Язгы бөртекле культураларны чәчү 52 процентка башкарылды

  Район авыл хуҗалыгы һәм азык-төлек идарәсеннән алынган мәгълүматларга караганда, бүгенгә район авыл хуҗалыгы предприятиеләренең һәм крестьян-фермер хуҗалыкларының барысы да чәчүгә чыккан.

• 13 май 2018

  Балаларның күңелләре булды

  «Библиосумерки – 2018» бөтенроссия акциясе кысаларында Теләнче Тамак авылының китапханәсендә «Безнекеләрне укы – безнекеләрне бел!» дип исемләнгән чара узды.

  
• 13 май 2018

  Балык тотучылар үзләре «ятьмәгә» эләккән

  28 апрельдә хокук саклаучылар Куйбышев сусаклагычы янында кысла тоту җайланмасы куйган ике ир-атны тоткарлаганнар.

• 13 май 2018

  Ураза Аллаһ ризалыгы өчен тотыла

  Бу көннәрдә мөселман дөньясы изге Рамазан аен – ураза вакытын каршы алырга, аны хәерле гамәлләр белән уздырырга әзерләнә. Рамазан ае 15еннән 16 нчы майга каршы төннән башлана. Беренче тәравих намазы мәчетләрдә 15 май көнне кояш баткач укыла һәм 16 май көнне мөселманнар уразага керә. Ягъни таң беленгәнче ашау-эчүне тәмамлап, бары кояш баегач кына авыз ачарга була. 

• 12 май 2018

  Хатларда – аналар сагышы

  Бөек Ватан сугышы тәмамлануга 73 ел тулды. 9 Май – Җиңү көне – иң зур бәйрәмнәрнең берсе. Сугыш тәмамланган көн күпләребезгә шатлык алып килсә, әле кайгы көне дә ул. Мин дә белгәннәремне, туган-тумачаларымның сугыш михнәтләрен күргәннәрен сезгә язып үтәсем килә. 

  
• 12 май 2018

  Мигрантларны «эшкә алган»

  Миграция турындагы законнарны бозу фактлары буенча район Эчке эшләр бүлегендә 4 җинаять эше кузгатылган.

• 12 май 2018

  Исерек килеш руль артына утырганнар

  Атна барышында район территориясендә 320 машина йөртүченең юл йөрү кагыйдәләрен үтәмәве билгеле булган.

• 11 май 2018

  Калмия җирлегендә бәйрәм һәр авылда узды

  Безнен авылда ике сугыш ветераны яши. Берсе – Миңнемулла бабай Миңнегәрәев – бәйрәм түрендә булды, ә Акмалетдин бабай Җамалетдинов, авыру сәбәпле, бәйрәмдә катнаша алмады. Аны, мәктәп укучылары белән өйләренә барып, алдан котлап кайткан идек.

• 11 май 2018

  Күзкәйдә Җиңү көнен бер гаилә булып бәйрәм иттеләр

  9 Майда бәйрәм шатлыгы өйләргә генә сыймады – бөтен авыл халкы урамга чыкты, бер-берсен Бөек бәйрәм белән котлыйлар, мәдәният йортыннан музыка агылып тора, кыр станы казанында «солдат боткасы» пешә, бөтен кеше авыз итсен диеп урамда мул ризыклы чәй өстәле әзерләнгән. Бәйрәмчә киенгән халык, язгы мәшәкатьләрен ташлап, бер гаиләдәй җыелып, гөр килеп аралашты.