Рәзинә Сәетгараева автор яңалыклары

• 28 гыйнвар 2026

  Мәскәү татарлары безне колач җәеп каршы алды

  Мәскәүдән кайтуыма өч көн вакыт узды, ә мин һаман да күңелем белән Мәскәү дусларым янында! Искиткеч җылы очрашу булды ул! Бу кадәр булыр дип һич тә көтмәгән идем.

  
• 26 гыйнвар 2026

  Яңа поселогы мәктәбендә җылы очрашу үтте

  23 нче гыйнвар көнне, Яңа поселогы урта мәктәбенең 4 нче сыйныф укучылары белән онытылмаслык матур очрашу үтте. Әлеге күркәм бәйрәмгә безне сыйныф җитәкчесе Ландыш Фәнис кызы чакырды. Әлеге мәктәп рус телле белем бирү юнәлешендә эшләсә дә, монда миллилек, милли тәрбия беренче урында тора. Элеккеге татар теле укытучысы Резидә Гайсә кызы Мәуҗүтова да бу юнәлештә зур эш алып барды һәм укучылары белән зур нәтиҗәләргә ирештеләр. Традицияне дәвам итеп бүгенге укытучылар, шул исәптән Ландыш Фәнис кызы да укучыларга миллилекне сеңдерү өстендә зур эш алып бара. «Милләтеңне яклап бер сүз әйтә алмасаң әйтмә, әмма аны һичбер хурлама» (Мөхәммәт Мирза)

  
• 14 гыйнвар 2026

  Тукай районында авыл җыеннары: Биклән халкы белән җитәкчеләр диалогы

  Авыл җирлегендә иң еш бирелә торган сораулар: юл мәсьәләсе, сукбай этләр, авылга керә торган юлдан үткән зур йөк машиналарының юлны бетерүе, күп балалаы гаиләләргә бирелгән участокларда су челтәре һәм урамнарда яктылык булдыру, - диде Мансур Сәхбиев.

  
• 19 апрель 2025

  Туган авылы Күзкәйдә язучы Фәннүр Сафинны искә алдылар

  Бәйрәмгә мөхтәрәм кунаклар да килгән иде.

  
• 28 май 2021

  Хезмәт аша табылган бәхет

  27 май – Китапханәләр көне  Хезмәт аша табылган бәхет Аның бөтен уе, тормыш максаты хезмәткә юнәлгән. Югыйсә, бу кадәр эшләр башкарырга нинди көч-кодрәт җитсен ди. Ул көндез дә, төнен дә китаплар белән, әйтерсең лә, китаплар эчендә ул әлегә белмәгән, ишетмәгән сер ята. Сүзем Боерган авылы китапханәчесе Флүзә ханым Сәлимова турында. Аның белән танышуым «Якты юл» газетасында эшләгән елларда булды. Ул редакциягә үзе үткәргән чаралар турында язып китерә иде. Исем китеп укый торган идем ул язмаларны. Алардан Флүзә ханымның эшен бик тә яратканлыгы сизелә иде. Игенчеләргә, терлекчеләргә, озак еллар бергә яшәгән парларга дан җырлый иде ул.

  
• 21 июль 2019

  Кунаклар Бикләннең Сабантуй чишмәсендә

  «Ак калфак»лыларны Сабантуй мәйданында авыл җирлеге башлыгы Мансур Сәхбиев белән авылыбызның имам-хатыйбы Мөдәфис хәзрәт каршы алдылар. Милли киемнәр, чигелгән калфаклар кигән хатын-кызлар яр буенда урнашкан «Сабантуй чишмәсе»нә юл алды.

  
• 24 июнь 2019

  Район гимны күңелемне кузгатты

  Район Сабантуенда алган тәэсирләремнең иге-чиге булмады. Ярый әле барганмын дип сөенеп кайттым. Бәйрәмдә алган шатлык хисләрем, дәрт-дәрманым миңа бер ел буе йөгереп йөрерлек көч биреп кайтарды. Ничекме?.. Мин бит шагыйрә, җырлар иҗат итәм, күп кенә җырларым көе белән бергә туа. Ә хисле кешене дулкынландыру ул диңгез өсте белән бер. Талгын җилдә изри, уйнаклый, ялтыр-йолтыр итә, күктә әкрен генә агылган болытларны тибрәтә, ә давыл кубып җилли башласа, табигать гарасатларыннан да көчлерәк.

• 18 июнь 2019

  Балачак бәйрәмем

  Без авыл балалары өчен Сабантуеннан да шәп, кызыклы, мавыктыргыч бәйрәм юк иде. Чөнки бу көнне бөтен йортка кунаклар кайтып төшә, табында ел буе күрмәгән сый-хөрмәт.

• 17 июнь 2019

  Биклән аланлыгы бар халыкны үзенә җыйды

  Авылымның мәңгелек, киң күңелле Сабантуй аланлыгы быел да безне үзенә җыйды. Туган авылым Бикләндә Сабантуй төп-төгәл сәгать 10да башланып, төнге сәгать 11гә кадәр гөр килде. Көндезгесе, кичкесе юк, әйтерсең лә халык Сабантуе мәйданында чиратлашып кизү тора: берәүләре кайта, берәүләре килә. 

• 19 ноябрь 2018

  Әй, Әнием, газиз әнекәем минем!

  Газиз әнием - Вәлиуллина (Хөсәенова) Сәлимә Әюп кызы 1918 елның 8 нче апрелендә туган. 1983 елның 31 нче июлендә вафат булды. Исән булса быел әниемә 100 яшь тулган булыр иде. Ни кызганыч, гомере кыска булды, 65 яшендә фәрештәдәй күкләргә ашты.... Миңа ул чакта, бары 24 яшь иде, яңа гына кияүгә чыккан, 1 яшьлек сабыем кочагымда ачыргаланып елый, шул көннән үзем әни булып, гаилә учагын җылытучы хатын-кыз булып, әниемнең киңәшләрен, сабыр канатларын тоеп, тормыш арбасын тартып яши башладым... Сагынуларым - сагышларым башта, гади шигырьләр булып, аннан, җырлар булып түгелделәр...