Заһидә Нәбиуллина автор яңалыклары

• 25 апрель 2023

  Ул бу җирдә күңеле кушканча яши

  Безнең юбиляр!

  
• 27 апрель 2022

  Шәфкатьлелек һәм кичерү ае

  Сөенеп көтеп алган Рамазан ае да төгәлләнеп килә. Аллаһы Тәгаләнең әҗерен өмет итеп ураза тоттык, теләкләр теләдек, кулдан килгән кадәр изгелекләр кылырга. тырыштык. Тоткан уразаларыбыз кабул булсын.

• 09 ноябрь 2021

  Бүгенге көн геройлары

  Күр, нинди заманнарда яшибез. Минем буын кешеләре хәбәрләрне стенага беркетелгән түгәрәк тәлинкә рәвешендәге радиодан тыңлыйлар иде. Бик күп гомер дә үтмәде сыман, тормыш шулкадәр алга китте, без, авылда яшәүчеләр, хәзер авылдашлар белән телефонда Whatsapp төркемендә аралашабыз: рекламалар бирәбез, авыл халкын борчыган кайбер мәсьәләләр буенча фикер уртаклашабыз, бәхәсләшәбез, уй-планнарыбызны белдерәбез.

  
• 25 сентябрь 2021

  «Зәңгәр Ыгым хыялымда...»

  Газетабыз укучыларына тирән эчтәлекле, якты лирика белән сугарылган шигырьләре, төрле теманы, төрле язмышларны эченә алган хикәяләре, юмористик язмалары белән таныш Рәзинә Насыйбуллинаның тагын бер яңа китабы дөнья күрде. «Зәңгәр Ыгым хыялымда...» дип атала әлеге китап. «Якты юл» газетасының элеккеге укучылары Рәзинә Насыйбуллинаны авыл хуҗалыгы темасына язылган мәкаләләре, районның мәдәни тормышын яктырткан язмалары һәм, әлбәттә, күңелләрне кузгата, уйландыра торган шигырьләре, нәсерләре аша беләләр булыр.

  
• 25 июль 2021

  Алмалар өлгерер чак

  Иң файдалы алма, әлбәттә,үз бакчаңда, дачаңда үскәне. Галимнәр фикеренчә, алманың төньяк сортлары, башкалары белән чагыштырганда, витаминнарга баерак.Дөрес,аның тәме эче, аның каравы файдалырак. Алма белән дәваланырга булсагыз, иң элек үзегезгә туры килгән сртны сайларга кирәк.

• 04 июль 2021

  Кул остасы үз янына балаларны җыйды

  Күзкәй урта мәктәбендә ял лагере – балалар күңелендә кызыклы мизгелләр булып озак сакланыр.

  
• 15 март 2020

  Бер-беребездән өйрәнәбез

  Район үзәкләштерелгән китап-ханәләр системасы әледән-әле урыннарда язучылар белән очрашулар, белгәннәрдән өйрәнү, тәҗрибә уртаклашу өчен семинарлар үткәрә. Чираттагысы Күзкәй авылы китапханәсендә булды. Ул китапханә каршында егерме ел эшләп килүче «Хатирә» клубының юбилеена багышланды.

  
• 26 февраль 2020

  Районның чын патриоты иде

  Район оешкан 1976 елдан партия район комитетының пропаганда һәм агитация бүлеген җитәкләгән, аннары партия район комитетының өченче секретаре булып эшләгән абруйлы зат, районның легендар шәхесе Фәймә Гарифулла кызы Гыйниятуллина арабыздан китте. Район халкы аны 23 февраль көнне соңгы юлга озатты. Язмышлардан узмыш юк, диюләре хактыр, заманында районыбызның «баш идеологы» булган эшсөяр җан әнә шулай көтмәгәндә якты дөньядан китеп барды. Күпләрне, бик күпләрне хәсрәткә салып, сагыш калдырып китте ул.

  
• 23 гыйнвар 2020

  Бер нәрсәне дә китереп бирмиләр

  Үзем авылда торгач, аның яшәешен эчтән беләм. «Җыеннар башлана икән» дигән хәбәр ишетелгәч, халык гөр килде, фикер уртаклашты. Авылда инде матур традициягә әверелгән бу чараны күпләр көтә икән. Шулай булмый, яшәгән җирен хөрмәт иткән кешегә аның сулышын тою, башкарылган эшләрен, киләчәк планнарын белеп тору мөһим. Ә җыенда авыл җирлеге башлыгы Эдуард Гәрәев , гадәттәгечә, аларның барысын да бәйнә-бәйнә сөйләде, төрле ярышларда, конкурсларда катнашып, призлы урыннар алып кайтып, авылга дан өстәгән авылдашларның исемнәрен олылап телгә алды. Башланып киткән елда башкарасы эшләрне санады. Аның хисабында китерелгән саннар, исемнәр бөтен зал күрерлек итеп слайдларда чагылдырылды. Очрашуда шулай ук район башкарма комитеты җитәкчесе Ленар Авзалов, район больницасы баш табибы урынбасары Наилә Гессер, участок уполномоченные Фәнис Зәкиев катнаштылар һәм чыгыш ясадылар.

• 19 гыйнвар 2020

  Агачтан могҗиза тудыручы

  Аның остаханәсенә килеп кергәч, биредә чын иҗат мәйданы икәнен сизәсең: пөхтә итеп төрле эш кораллары, нәни станнар тезеп куелган, өстәлләрдә ясалачак әйберләрнең детальләре, бер киштәдә төрле төстәге буяулар, лаклар, җилем һәм башка вак-төяк кирәк-яраклар. Әзер шахмат тактасы, аңа агачтан микроскоп төгәллеге белән зурайтып эшләнгән шахмат фигуралары тезелгән. Борынгы нәкышләр төшерелгән кувшиннар, зур төгәллек белән агачтан ясалган төрле җәнлек фигуралары. Икмәк саклый торган тартманы гына күр! Ә менә бу искиткеч матур хатын-кыз сынын автор «Сөембикә» дип атаган. Кыскасы, кечкенә генә остаханәдә үзе бер әкияти дөнья. Шуңа игътибар итәм: оста, картина язамы, агач фигуралар ясыймы, аның иҗат табышларында яшел, алтынсу якты төсләр өстенлек итә. Ә бу хыялый дөньяның тылсымлы куллы хуҗасы – Рөстәм Ясәвиев.

  
• 12 ноябрь 2019

  Сәламәтлек – үз кулыбызда

  «Якты юл» газетасының узган җомга санында «Саулык – зур байлык» дигән мәкалә басылып чыкты. Анда сүз «Өлкән буын» программасы кысаларында өлкән яшьтәгеләргә диспансерлаштыру уздырылуга хәзер күбрәк игътибар бирелү, бу чараны үткәрүдә уңайлыклар тудырылу турында бара. Теманы аерып күтәрүләре бик хуп, чөнки без, өлкән яшьтәгеләр, авырдык дип больницага барырга ашыкмыйбыз. Кайчакларда кирәкле вакытны да кулдан ычкындырабыз.

  
• 13 октябрь 2019

  Чисталык үзебезгә кирәк

  Халыкара өлкәннәр көнен үзенчәлекле итеп билгеләп үтәргә булдык. Без, Күзкәй авылының бер төркем ветераннары, менә ничә ел инде скандинавларча йөрү белән шөгыльләнәбез. Сукмагыбыз авыл кырыеннан башлана. Сул якта урман полосасы, ә уңда «Ярыш» хуҗалыгының ап-ак итеп агартылган, яңартылган ферма биналары тезелеп киткән. Көзен монда рәт-рәт булып терлекләргә кышка әзерләнгән печән, салам рулоннары тезелеп китте. Муллык, бөтенлек күңелне сөендерә. Көн саен таңнан хуҗалыкның козлятник үләне басуы аша салынган юлдан Минзәлә районыннан аерып торучы елга буена барганда мондагы хозурлыкка сокланабыз. Тик юл буена ташлап калдырылган чүп-чар, төрле эчемлекләрдән бушаган савытлар, полиэтилен пакет кисәкләре шушы матурлыкның төсен җибәрә.

• 10 октябрь 2019

  Бәйрәмнәр дә кирәк кешегә

  Күзкәй авылы мәдәният йорты ул көнне гөр килеп торды. Алдан ук ветераннарга чакыру билетлары тапшырылды. Матур итеп киенгән өлкәннәребез төркем-төркем булып бәйрәмгә җыелды. Күрше авылларда яшәүчеләрне машиналар белән алып килделәр.

• 16 июнь 2019

  Күзкәйнең шәфкать йорты

  Күзкәй амбулаториясе тирә-юньдәге дистәдән артык авыл халкына медицина хезмәте күрсәтүче 100 елга якын тарихы булган савыктыру йорты.

  
• 13 май 2019

  Басу түрендә хатирәләр яши

  Саумысыз, арышларым! Таныдыгызмы? Мин бу – һәр яз саен исән-сау кышладыгызмы, тамырларыгыз ныкмы дип хәлегезне белергә, ә башакка тулышып, диңгездәй чайкалып утырганда чал башымны иеп, сезгә рәхмәт әйтергә киләм. Ләйсән яңгыр тамчылары дип алдандыгызмы? Хисләрем ташып, күңелем тулган өчен кичерегез – чал башымны иеп мин елыйм. Әйе, газиз арышларым, сезгә рәхмәт укый-укый елыйм...