Җәяүлене бәрдергән машина йөртүчене эзлиләр

12 январь кичке сәгать биш тулгач район Эчке эшләр бүлегенең дежур частена Яр Чаллы - Борды трассасында юл уртасында бер ир-атның ятуы турында хәбәр килә. Җәяүлене машина бәрдереп киткәндер дип фаразлана. Урында тимер кисәкләре, машина ватыклары табылмый. Суд-медицина экспертының сүзләренә караганда, бәрдерүче йөк машинасы булырга тиеш. Яр Чаллы шәһәрендә яшәгән 56 яшьлек җәяүле ир-ат ашыгыч ярдәм машинасында үлә. Бүген әлеге ирне бәрдергән машина йөртүче эзләнә. Әлеге фаҗиганең шаһиты булучыларның 71-44-81, 37-96-61 телефоннары аша Эчке эшләр бүлегенә шалтыратулары сорала.