Үзмәшгульләр арта

admin, 14 август 2019 - 09:15

1220

9 август көненә Тукай районы территориясендә үзмәшгуль буларак 310 кеше теркәлгән. Соңгы атнада аларның саны 12 кешегә арткан.

Бу хакта хакимияттә үткән атналык киңәшмәдә район башкарма комитеты җитәкчесенең беренче урынбасары вазыйфаларын башкаручы Айрат Хәбибуллин хәбәр итте. Үзмәшгульлек системасында эшләргә теләүчеләрнең иң күбе Кече Шилнә авылында һәм Круглое Поле поселогында. Биредә андыйларның саны – 41әр кеше. Бәткедә 29 кеше әлеге системада теркәлгән. Иң аз теркәлүчеләр Яңа Бүләк, Сәмәкәй, Иске Абдул авыл җирлекләрендә. Аларда һәр җирлектән нибары 3әр кеше.