«Җәйнең тылсымлы мизгелләре»ндә җиңү яуладылар

Күптән түгел районның балалар сәнгать мәктәбендә шөгыльләнүче Виктория Денисова һәм Ләйлә Әхмәтсафина Уфа шәһәрендә үткән «Җәйнең тылсымлы мизгелләре» дип исемләнүче халыкара иҗат конкурсында катнаштылар. Комсомолец поселогында яшәүче әлеге кызлар үзләренең фантазияләре һәм педагоглары Ләйсән Шәймәрданова ярдәмендә әлеге бәйгедә җиңү яулый алдылар. Ләйлә Әхмәтсафина үзенең кояш бату манзарасын тасвирлаган рәсеме белән I урынны, Виктория Денисова карбыз рәсеме белән II урынны алдылар. Аларны әзерләгән Ләйсән Шәймәрданова шәкертләре кебек үк конкурстан дипломант булып кайтты.