Князево авыл җирлегендә җәйнең иң «баллы» бәйрәме – халыкларның дуслыгын, татулыгын чагылдырган бөтендәнья торт көне билгеләп үтелде. Торт – һәр табынның иң тәмле ризыгы.
Мәдәният йорты хез-мәткәрләре балалар белән «Сладкая лакомка» дигән уенлы программа әзерлә-деләр.
Балалар тортның ничек барлыкка килүе һәм бу ризык турында кызыклы хәлләрне бик рәхәтләнеп тыңладылар. Беренче һәм иң зур торт Италиядә пешерелгән. Ә инде баш бармак зурлыгындагы иң кечкенә торт Швейцариядә ясалган.
2003 елда Мәскәүдә илнең төп универмагының 110 еллыгын билгеләп үткәндә мавзолей формасындагы 3 метр биеклектәге торт әзерләнгән. Баллы конструкциянең авырлыгы 3,5 тонна булган, ә диаметры 6 метрдан арткан.
Балалар әлеге бәйрәмдә викторина сорауларына җавап бирделәр, табышмаклар чиштеләр, конфетлар җыйдылар. Иң актив катнашучылар призлар алдылар. Бәйрәм ахырында барлык балалар татлы торт белән сыйландылар.
Тамара ТУЗЕЕВА, Кнәз мәдәният йорты директоры.
/ Фото Тамара Тузеевадан алынды.
"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз
Нет комментариев