Пенсионер да түгел югыйсә – мошенниклар кармагына эләккән...

admin, 2 август 2018 - 15:00

1044

Район Эчке Эшләр бүлеге башлыгы урынбасары Андрей Понамарев хакимияттәге атналык киңәшмәдә узган атнада төрле җинаятьләр буенча барысы 8 эш кузгатылуын, шуларның 4есе ачылуын хәбәр итте.

«Калинка» бакчачылык ширкәтендә шәхси милекне урлау, «Камский» җитештерү кооперативы складыннан фураж алып чыгу, Яңа поселогындагы «Пятерочка» кибетеннән товар урлау очраклары теркәлгән. Шушы ук поселокта 28 яшьлек ир-ат сорамыйча авылдашының автомобилен алып чыгып киткән.
«Санаръ» бакчачылык йортында яшәүче 54 яшьлек хатын-кыз үзләрен пенсия фонды хезмәткәрләре дип таныштыручыларга банк картасы реквизитларын әйтеп, андагы акчаларыннан колак каккан. Яңа поселогында яшәүче 32 яшьлек ир-ат исә «интим хезмәте күрсәтүчеләр»гә картасындагы акчаларын «бүләк иткән».