Пассажирлар канәгать булыр
Руль артында булган һәр кешенең, бигрәк тә транспорт хезмәте күрсәтү өлкәсендә эшләүчеләрнең һөнәри бәйрәмнәре җитә. Автомобиль транспорты һәм юл хуҗалыгы хезмәткәрләре көне октябрьнең соңгы ял көннәренә туры килә. Бу көнне әлеге тармакта эшләүче берәү дә игътибардан читтә калмасын иде, юлда йөрүче һәр автомобильче якыннарыннан, хезмәттәшләреннән җылы сүзләр кабул итеп алсын иде. Ә без бәйрәм уңаеннан район халкына пассажир йөртү хезмәте күрсәтүче ассоциация вәкилләре белән очрашып, аларның эшчәнлекләре турында әңгәмә кордык.
