Көн үзәгендә рубрикасы буенча яңалыклар

• 20 июнь 2018

  Сабан туе бәйрәме бар райондашларны үзенә җыйды 

  Шаулап-гөрләп 2018 елның да район Сабан туе узып китте. Әйтергә кирәк, бик күңелле, оешкан төстә үтте милли бәйрәмебез. Сабантуй тәмамлангач та, әле күпләр килеп оештыручыларга рәхмәтләрен әйттеләр, редакция хезмәткәрләре янына килеп тә, рәхмәтебезне газета аша җиткерегез әле, диючеләр булды. Райондашларның һәм килгән кунакларның бәхетенә, һава торышы да бик уңай торды – Сабантуй озак көтелгән җылы көннәрне алып килде. Халык Кызыл Байрак авылы аланында рәхәтләнеп күңел ачты, уеннарда, конкурсларда, спорт чараларында катнашты.

  
• 13 июнь 2018

  Иске Җирекле авылында 140 балага исәпләнгән балалар бакчасы сафка басачак

  Сөенечле вакыйга – сабыйлар өчен яңа балалар бакчасы тиздән районыбызның Иске Җирекле авылында да булачак. Биредә, республика программасы кысаларында, 140 сабыйга исәпләнгән балалар бакчасы сафка басачак. Район төзелеш, архитектура һәм яшәешне тәэмин итү бүлегендә әйтүләренчә, киләсе елга тагын бер җирлектә әлеге программа буенча яңа балалар бакчасы төзү планлаштырыла.

  
• 08 июнь 2018

  Марат Әхмәтов: «Сөт бәясе җәй азагына кадәр төшәчәк, сентябрьдән халыктан сатып алу бәясе күтәрелә башлар дип көтелә»

  ТР Премьер-министры урынбасары, авыл хуҗалыгы һәм азык-төлек министры Марат Әхмәтов эш сәфәре белән районга килде. Визитының беренче өлешендә ул вертолеттан район басуларының торышын бәяләде. Аннары Сәйдәшев исемендәге авыл хуҗалыгы предприятиесенең Останково авылы янындагы мәйданчыгында район җитәкчелеге, авыл хуҗалыгы һәм азык-төлек идарәсе белгечләре, предприятиеләр, крестьян-фермер хуҗалыклары җитәкчеләре белән очрашты.

  
• 23 май 2018

  Яшь талантлар авыру баланы дәваларга ярдәм итә

  Круглое Поле поселогының мәдәният йортында популяр жыр башкаручы балалар һәм яшьләр арасында «Яңа дулкын – 2018» дип аталган район фестивале узды. Әлеге фестиваль районда яшәүче талантлы балалар һәм яшьләрне ачыклау, аларга ярдәм итү, иҗатта үз-үзләрен күрсәтү өчен шартлар тудыру, милли мәдәниятне, гореф-гадәтләрне торгызу һәм популярлаштыру максатыннан уздырыла.  Фестиваль хәйрия концерты форматында узды. Барлык жыелган акча, бу – 16750 сум, Кеше Шилнә поселогында яшәүче 5 яшьлек авыру бала Захар Абрамовны тәрбияләүче гаиләгә бирелде.

  
• 21 май 2018

  Бергә тормыш итү кагыйдәләре бик гади – бер-береңне тыңлап, юл куеп яшәргә кирәк

  Халыкара гаилә көне уңаеннан Боерган авылының «Акчарлак» күпфункцияле үзәгендә «Тату гаилә – ил күрке» дип исемләнгән тантаналы бәйрәм кичәсе узды. Бәйрәмдә озак еллар пар канат булып, тату гомер иткән гаиләләрне зурладылар. Алар – Боерганнан Сәләхетдин белән Нәҗибә Авзалетдиновар, Шәйхразый һәм Шәргыя Салиховлар, Фоат һәм Гөлфия Мәхмүтовлар, Әхмәтнур һәм Бибинур Хәмәтовлар, Күзкәйдән Мулланур һәм Роза Сабировлар, Яңа Бүләктән Нәзир һәм Дилбәр Гыймазетдиновлар, Калмаштан Салават һәм Равия Габдуллиннар. Парларның һәрберсе Ходай насыйп иткән гомерләрен мәгънәле һәм матур итеп яши белә. Гаилә ныклыгын, бердәмлеген саклап, мәхәббәт һәм аңлашу белән яшәгән әлеге парлар күңелдә хөрмәт һәм соклану уята.

  
• 11 май 2018

  Район хуҗалыкларында язгы чәчү темплары көчәя бара

  Район авыл хуҗалыгы һәм азык-төлек идарәсеннән алынган мәгълүматларга караганда, 10 май иртәсенә районда язгы чәчү 9 процентка башкарылган. Планда каралган 50,8 мең гектар җирнең 4,7 мең гектарында чәчү үткәрелгән: болар – язгы бөртекле культуралар һәм шикәр чөгендере. Чәчү белән беррәттән тырмалау, минераль ашламалар кертү дәвам итә. Бүгенгә 55 мең гектар мәйдан тырмаланган, шуның 10,5 мең гектары – күпьеллык үләннәр, 41,5 мең гектары – язгы чәчү җирләре, 3 мең гектары – көзге уҗымнар. Минераль ашламалар 20,9 мең гектарга кертелгән. Әлегә районда бәрәңге утыртуга керешмәделәр. 

  
• 08 май 2018

  Җиңү көне белән, ветераннар!

  Бөек Ватан сугышы тәмамлануга иртәгә 73 ел тула. Бөек Җиңүнең бөек шатлыгы еллар дәвамында буыннан буынга, әби-бабадан онык-оныкчыкларга тапшырыла килә. Иртәгә, 9 Май көнне, районның һәр авыл җирлегендә тантаналы митинг узачак, Ватан тынычлыгы өчен шәһид киткән, сугыш кырыннан исән кайтып та, бүгенге көнгә кадәр яши алмаган сугышчыларның мәңгелек истәлеген бер...

  
• 05 май 2018

  Мөһим вакыйгалар уздыру чорында аеруча сак булырга кирәк

  Тукай районы террорчылыкка каршы комиссия әгъзалары киңәйтелгән утырышта район территориясендәге вәзгыятьне карады, Бөек Җиңүне бәйрәм итү, шулай ук футбол буенча дөнья чемпионаты уеннарының Татарстан Республикасында да уздырылуы уңаеннан, әлеге чорда тукайлыларның куркынычсызлыгын аеруча игътибар үзәгендә тоту турында сөйләште.

• 29 апрель 2018

  Мәңге яшәр халык күңелендә

  Район мәктәпләрендә, китапханәләрдә, балалар бакчаларында Тукайның тууына 132 ел тулу уңаеннан төрле чаралар уза. Кабатланмас акыл иясе, бөек шагыйребезнең язгы айда тууында да ниндидер хикмәт бардыр сыман. Табигать кышкы йокыдан уяна, бөтен тереклек кояш нурларына кинәнә. Без дә, һәр ел саен, шушы хиссияти матур язгы мәлдә, олылап, бөегебезнең туган көнен...

  
• 28 апрель 2018

  Медицина тикшерүе үткәрүне оештыру бурычы куелды

  Диспансеризация авыруны иртә стадиядә ачыкларга һәм вакытында дәваларга ярдәм итә, дип белдерәләр табиблар. Бу мәсьәлә район хакимиятендә үткән атналык киңәшмәдә дә күтәрелде. Башкарма комитет җитәкчесе Фаил Камаев район бүлекләре, предприятие һәм оешмалар җитәкчеләренә мөрәҗәгать итеп, хезмәткәрләренең сәламәтлеге турында кайгыртуларын сорады, авыруны вакытында ачыклауның мөһимлеген ассызыклады һәм медицина тикшерүе үтүне оештырырга...

  
• 27 апрель 2018

  Авыллардагы шәхси хуҗалыкларның чисталыгын махсус комиссия тикшерә

  Апрель ае башыннан санитар икеайлык кысаларында Тукай районында һәр оешма, һәр хуҗалык үз терроториясендә шимбә өмәләре оештыра, чисталык урнаштыра. Язның соңарып килүе, карның әле апрель уртасында гына эрүе бу эшләрне бераз кичектерде. Шулай да хәзерге вакытта инде барлык социаль объектларда күмәк өмәләр үткәрелде. Район Сабан туе уза торган Кызыл Байрак...

  
• 26 апрель 2018

  «Улым Чернобыльгә киткәндә гладиолуслар шау чәчәктә калды»

  Тынычлыктагы атом энергетикасы дөнья тарихында иң зур саналган Чернобыль авариясенә 30 елдан артык вакыт узды. 1986 елның 26 апрелендә атом электростанциясенең 4нче блогында янгын чыга, атмосферага бик күп радиоактив матдәләр бүленеп чыга. Әлеге һәлакәт нәтиҗәләрен бетерү өчен Татарстаннан да яшь ир-егетләр Украина территориясенә җибәрелә. Шулар арасында Тукай районы Кече Шилнә...

  
• 23 апрель 2018

  Тукай районында эш урыннарына килгән яңа җитәкчеләрне тәкъдим иттеләр

  Хакимияттә үткән атналык киңәшмәдә район җитәкчелегенә яңа эш урыннарына килгән биш җитәкчене тәкъдим иттеләр. Район башкарма комитетының мәдәният бүлеге башлыгы итеп Гүзәл Юныс кызы Шакирова билгеләнде. Район китапханәләр челтәре үзәген Ләйсән Илгизәр кызы Йосыпова җитәклиячәк. Район мәдәният һәм ял итү үзәге җитәкчесе итеп Флера Әзһәр кызы Шәрипова килде. Район җитәкчелегенә...

• 21 апрель 2018

  «Созвездие-Йолдызлык» фестиваленең суперфиналына ике тукайлы узды

  Татарстан Республикасы Президенты Рөстәм Миңнеханов патронатында уздырылучы «Созвездие-Йолдызлык» эстрада сәнгате фестиваленең гала концертына узган тукайлыларга район башкарма комитеты җитәкчесе Фаил Камаев үзенең шәхси рәхмәт сүзләрен җиткерде. Яшьләр фестивале республикада 2000 елдан бирле үткәрелә. Шушы дәвер эчендә тукайлылар да, төрле этапларда катнашып, үзләренең сәнгать осталыкларын күрсәтте. Быел исә ике тукайлы суперфиналга...

  
• 20 апрель 2018

  «Каберлекләр су эчендә ята, фельдшерның укол ясарга үз бүлмәсе юк»

  Редакциягә, Шөкрәле авылыннан шалтыратып, авыл халкының зарын җиткерделәр. Новотроицкое җирлегенә караган Шөкрәле авылында яшәүче Зөлфирә Ваһапова авылның зиратын ел да су басуын, урам яктырткычларының начар эшләвен, клуб бинасының бүгенге көндә ташландык булуын һәм фельдшерның авыл халкына укол ясарга үз бүлмәсе булмавын сөйләде. Бу хәлне үз күзебез белән күреп кайтыйк дип,...