Урманнарга керсәң тәртип бозма
«Урманнарга барсаң, агачларның кәкересен түгел, төзен кис...» дип җырлыйлар халык җырында. Әмма хәзер урманда агач кисү түгел, анда һава сулап йөрергә дә рөхсәт кирәк. Быел җәй, эссе булу сәбәпле, урманнарга керү бөтенләй тыелган иде. Кыш көне дә урманнарыбыз сак астында. Бигрәк тә декабрь аенда, Яңа ел бәйрәмнәре җиткәндә, чыршы һәм нарат агачлары кисеп алырга теләүчеләр юк түгел. Андыйлар һәрдаим урманчыларның күзәтүе астында. Алабуга урманчылыгының Тукай районы бүлеге баш урманчысы Ирек Сафин белән шул хакта әңгәмә кордык.
