12 сентябрь 2022 яңалыклары
-
Сары сливадан кайнатма
Быел сары слива аеруча уңды. Сезнең сорау буенча сары сливадан кайнатма ясау рецептын тәкъдим итәбез. Моның өчен 1 кило җимешкә 1200 грамм шикәр комы кирәк. Сливаның төшләрен алырга һәм өстенә шикәр комының яртысын салып, төнгә калдырырга. Иртән шуны утка куеп, кайнап чыккач 5 минут пешерергә һәм суытырга куярга? Яңадан шулай ике тапкыр эшләргә.
-
Табыннар мул, күңелләр көр булсын өчен
Республикабызда традицион көзге авыл хуҗалыгы ярминкәләре башланды. Тукай районының авыл хуҗалыгы предприятиеләре, фермерлар һәм гади авыл кешеләре шәһәр халкына үзләре җитештергән ит-сөт рмизыкларын, үстергән яшелчәләрне, җиләк-җимешне башка бик күп төрле авыл хуҗалыгы ризыкларын үткән шимбәдә «Төзүче» стадионы алдындагы мәйданчыкта тәкъдим иттеләр.
-
Тукай районы турында берничә факт
• Муниципаль социаль-икътисади үсеш рейтингында республика районнары арасында безнең Тукай муниципаль районы икенче урында, ул ел башыннан 3 пунктка югары күтәрелде. • 2022 елның беренче яртыеллыгында торак төзелеше буенча план 110 мең квадрат метр булып, 123,9 мең квадрат метр төзегәнбез. Бу чорда районга 6 миллиард сумнан артык инвестицияләр җәлеп ителгән.
-
ГТО фестивале
Яшьләр эшләре, спорт һәм туризм бүлеге район тестлар үткәрү үзәге белән берлектә ГТО фестиваленең муниципаль этабын үткәрәчәк. Ул 17 нче сентябрьдә яңа поселокта спорт мәйданчыгында узачак. Программага 60 м йөгерү, ике аяк белән урынан этеп күтәрү, гимнастик эскәмиядә туры аяклы басып торган хәлдә алга таба сикерү, ятып торганда кулларны киңәйтү, биеклеккә сикерү , пневматик винтовкадан ату кертелгән.
-
Өстәл теннисы буенча ярышлар узды
Сосновый бор бистәсенең «Яшьлек» универсаль спорт залында пенсионерлар арасында өстәл теннисы буенча республика ярышларының муниципаль этабы узды. Ярышларда 16 авыл җирлегеннән 30 дан артык спортчы катнашты.
-
Безнең сораштыру
Баланы өйдә генә укытуга сезнең караш. Без әлеге сорау белән райондашларыбызга мөрәҗәгать иттек. Кайберәүләр өйдән торып белем алуны якласа, икенчеләре каршы.