Зәрия Вәлиева автор яңалыклары

• 15 апрель 2022

  Дуадак

  Бу тарих – тормышта булган вакыйгага нигезләнеп язылды. Инәйнең – сугыш чоры баласының ошбу хикәяте – газиз кешемнең балачак хатирәсе булуы белән дә, безгә – балаларына, тормыш-яшәешнең адәм баласына бирелгән сынау-имтихан булуын искәртүе белән дә,  әдәп-әхлак дәресләре булуы белән дә кадерле ядкарь булып күңел сандыгымда саклана. 

  
• 15 апрель 2022

  Күрше хакын хакла! 

  Бисмилләәһиир-Рахмәәниир- Рахиим Болгар дәүләтендә Ислам дине кабул ителүнең 1100 еллыгы уңаеннан Тукай районы мөхтәсибәте, аерым алганда, җирлегебездә эшләп килүче мөслимәләр берлеге җитәкчесе һәм мөхтәсибәтнең уку-укыту бүлеге мөдире Фәридә Харрас кызы Шәрипова тырышлыгы белән Татарстан совхозы поселогындагы «Нур» мәчетендә «Күрше хакы» исемле районара чара булып узды. 

  
• 02 апрель 2022

       Рамазан – көтеп алган, кунак ай    

  Бисмилләәһир-рахмәәнир-рахиим. Аллаһ Коръәндә «Бәкара» сүрәсенең 183 нче аятендә: «Ий, мөэминнәр! Рамазан аенда ураза тоту сезгә фарыз ителде, сездән алдагы мөэминнәргә фарыз ителгәне кебек, бәлки сез ураза тоту сәбәпле тәкъва булырсыз»  – дип мөселманнарга ураза тотуны фарыз кылды. Ураза тоту һәм шушы изге айда башкарыла торган гамәл-гыйбадәтләрне шартына җиткереп үтәү хакында район имам-мөхтәсибе Җәүдәт хәзрәт Харрас белән сөйләшәбез. 

  
• 01 апрель 2022

  Китмим әле яшьлегемнән – яз гөлләре арасыннан

  1 апрельдә Яр Чаллы шәһәренең «Энергетик» мәдәният йортында (2021-2022 еллар арасында) «Балкыш»  ветераннар арасында үткәрелә торган фестивальнең зона туры булып узды. 

  
• 31 март 2022

  Үзәкләрне өзеп китәләр дә, юксындырып искә төшәләр ...

  Китәләр. Үзәкләрне өзеп китәләр дә, юксындырып искә төшәләр. Соңгы бер-ике ел эчендә генә дә яраткан, күңелемә якын булган байтак кеше Ахирәткә күчте. Алар белән соңгы тапкыр күрешеп сөйләшүләр, бөтен ваклыклары белән, искә төшә, йөз-кыяфәтләре күз алдында тора. Аллаһ Тәгалә аларга гомер тукталышларының ахыргысына җитәргә аз вакыт калганлыгын күңелләренә саламы икән әллә? Нигәдер аларны соңгы тапкыр күргәндәге елмаюлары сагышлы булып истә калган. 

• 31 март 2022

  Һөнәрленең кулы алтын

  Әти кеше, элгәреге чорда, шәһәргә яисә район үзәгендәге базарга, ярминкәгә барырга җыенса, хатын-кыз таифәсе төсле чигү җепләре – мулинә алып кайтуын сорый торган булган.  Уңны сулдан аера белүгә кыз баланы энә-җеп белән эш итәргә өйрәтү – әни, әбиләрнең зирәклеген, хикмәт белән тормыш алып баруларын күрсәтә. Җиткән кызларның бирнә сандыгында таслап салынган чигүле урын-җир әйберләре, бигрәк тә мендәр тышлары, тәрәзә пәрдәләре, баш-башлары чигелгән сөлге-тастымаллар – затлы әйбер булу белән беррәттән кәләшнең уңганлыгын-булганлыгын дәлилләүче хәзинә дә булган.

  
• 29 март 2022

  Рәшит Хәбетдинов: «Язгы чәчүгә әзерлеккә бик җитди карарга кирәк» 

  Яңа уңышка нигез салу – авыл хуҗалыгы оешмалары, КФХларның яхшы сыйфатлы чәчүлек орлык белән тәэмин ителгән булуы һәм авыл хуҗалыгы техникасының язгы чәчүдә тулы куәтенә эшләве белән бик нык бәйләнгән. Язгы чәчүгә әзерлек буенча район җирлегендә эшләп килүче авыл хуҗалыгы оешмалары һәм КФХлары җитәкчеләре, агрономнар, «Россельхозцентр» белгечләре катнашында семинар булып үтте. Район авыл хуҗалыгы һәм азык-төлек идарәсе башлыгы Рәшит Васил улы Хәбетдинов белән әңгәмәбез шул хакта. 

  
• 23 март 2022

  Балкыдылар нәни йолдызлар

  Бу атнада Яр Чаллы шәһәренең «Энергетик» мәдәният сараенда «Созвездие – Йолдызлык» фестиваленең гала-концерты булды. Районыбызда ел саен уздырыла торган «Созвездие – Йолдызлык» балалар-яшүсмерләр сәнгать фестиваленең сайлап алу турында быел 465 бала катнашты һәм финалга 216 бала чыкты. 

  
• 17 март 2022

  Мансур Сәхбеев: «Безнең эштә ашыгыч ярдәм дә, полицейский да булырга туры килә»

  Биклән авыл җирлегенә керүче Кызыл Юл авылында туып-үскән Мансур Шакирҗан улы Сәхбеев тормышын туган җире белән бәйләгән. Биклән авыл җирлеге башлыгы вазыйфасын башкаруына да ике дистә ел булган. Ватанпарвәр Мансур Сәхбеевның тырыш хезмәтен хөкүмәтебез югары бәяли. Үткән атнада район авыл хуҗалыгы алдынгылары слетында күпьеллык тырыш хезмәте өчен Мансур Сәхбеевка район башлыгы Татарстан Республикасы Дәүләт Советының «Рәхмәт хаты»н тапшырды.

  
• 17 март 2022

  Торнаташның үткәне һәм бүгенгесе

  Исеме дә исеме... Аннан матур җисеме Торнаташ – кечкенә дә төш кенә. Кече авыл үзенең эшсөяр халкы, пөхтәлеге белән башка авыл җирлекләренә үрнәк булырлык. Торнаташлылар туган җирен, үз халкын, нәсел-нәсәбен тарихта калдырырга теләүче зыялы кешеләре булу белән дә мактауга лаек. Гомере буе балаларга белем һәм тәрбия биргән хөрмәтле мөгаллим Миннегаяз Минһаҗев Торнаташның истәлекле урыннары хакында үзе белгәнне һәм өлкәннәрдән ишеткәнне килер буыннарга истәлек итеп теркәп калдырган. Абруйлы аксакал язып калдырган истәлекләрне әдәбиләштереп, тиешенчә эшкәртеп, газета укучыларга тәкъдим итәбез. Куя белгән дә соң елга, күл, чишмәләргә, басу-кырларга исемне безнең халык! Истәлекләрдән күренгәнчә, кече авыл булса да, Торнаташның табигый атамаларга бай урыннары байтак булган. Халык басу-кырларга, үзәннәргә, болын-тугайларга җисеменә туры китереп исем куя белгән.

  
• 12 март 2022

  Пәйгамбәрләргә ышану

  Бисмилләәһир-рахмәәнир-рахииим  Аллаһ Коръәндә «Ниса» сүрәсенең 165нче аятендә: «Рәсүлләр үзләренең бурычларын үтәгәннән соң, Ахирәттә динсезләр: «Әй, Аллаһ! Безгә китап иңдермәдең, рәсүлләр күндермәдең», – дип аклану булмасын өчен Аллаһ Тәгалә Аңа итагать итүче хак мөэминнәрне Җәннәт белән шатландыручы һәм Аллаһка итагать итмәүчеләргә Җәһәннәм газабы булачагын хәбәр бирүче пәйгамбәрләрне җибәрде», – ди. 

• 02 март 2022

  Рөстәм Хаҗиевка – дәрәҗәле бүләк

  Шушы көннәрдә Казанда «2021 елга агросәнәгать комплексы эшчәнлеге йомгаклары һәм 2022 елга бурычлары турында» Татарстан Республикасы авыл хуҗалыгы һәм азык-төлек министрлыгының йомгаклау коллегиясе утырышы булды. Анда район башлыгы Фаил Камаев җитәкчелегендәге делегация – җирлегебездә хезмәт куючы бер төркем авыл хуҗалыгы хезмәткәрләре катнашты. Чара барышында ТР Президенты Рөстәм Миңнеханов авыл хуҗалыгы тармагы алдынгыларына хөкүмәт бүләкләре тапшырды. Коллегия утырышында «Ирек» җитештерү кооперативы җитәкчесе – Татарстанның һәм Россиянең атказанган авыл хуҗалыгы хезмәткәре Рөстәм Хаҗиев «Татарстан Республикасы алдындагы казанышлары өчен» орден-медале белән бүләкләнде.

  
• 22 февраль 2022

  Кеше-оркестр

  Авыл халкы фельдшерларга зур хөрмәт белән карый һәм, буыннан буынга килгән гадәт буенча, аларга доктор дип дәшә. Туып-үскән җирендә – Яңа поселогында егерме ел фельдшер булып эшләүче Нәзилә Нуретдинова да авыл докторы. Алай гына да түгел, аның турында кеше-оркестр дип әйтү дә урынлы булыр. Берүзе берничә вазифаны алып баручы хезмәткәр турында башкача әйтеп тә булмыйдыр. 

  
• 03 февраль 2022

  Торнаташның үткәне һәм бүгенгесе

  Кешелек яшәсен өчен авылларның бүгенгесен һәм киләчәген кайгыртырга кирәк. Халкыбыз тикмәгә генә: «Үткәнне белмәгәннең киләчәге юк» дип әйтмәгән. Бу әйтем бүгенге көндә аеруча актуаль. Тарихка күз салу тутыккан хәтерне яңарту өчен дә, үткәндә ясалган хаталарны кабатламас өчен дә, алдагы көнгә максатлар куеп уңышларга ирешү өчен дә кирәк. 

  
• 28 гыйнвар 2022

  Авыл туризмы – чынга ашардай хыял

  Чүл корабы – кар диңгезендә?.. Тирә-юньдә кар «диңгезе», иксез-чиксез аклык күк белән тоташкан сыман. Салмак кына кар ява. Колыш авылында «чеңләп торган» тынлык. Аны ара-тирә эт өргән тавышлар, ботактан-ботакка кунып миләш чүпләштерүче чыпчыкларның чыркылдавы, Тукай әйтмешли, авылны уйкусыннан, ягъни татлы йокысыннан уята сыман. Ә дөяләрнең һич бер нәрсәдә гаме юк, алар башларын горур тотып, вәкарь белән генә утарда салам чемченә, иркә кызлар туңдырма ашаган сыман, «кыланып» кына, кардан авыз итә. Кардан дала исе, кайнар ком исе килмәсә дә, ак карны да алар үз иткән инде.