Штрафларын икеләтә түләделәр

Юл йөрү кагыйдәләрен үтәмәгән өчен салынган штрафларны вакытында түләмәгән өчен ел башыннан районда 291 кешегә карата административ беркетмә төзелгән. Алардан 84е кулга алынган, 171е икеләтә штрафка тартылган. Бүгенге көндә штрафын законда билгеләнгән срогында түләмәгән 252 кеше исәпләнә.

Юл йөрү кагыйдәләрен бозган өчен штрафлар күләме 500дән 50000 сумга кадәр тәшкил итә. Административ җаваплылык җәяүлеләргә дә, машина йөртүчеләргә дә, велосипедчыларга да, мотоциклчыларга да кагыла. Район ЮХИДИ бүлеге искә төшерә: штраф салыну турындагы хатның почта аша кулга килеп җитмәве бурычны түләмәүгә сәбәп була алмый. Бу турыда дәүләт хезмәтләре күрсәтү интернет-порталыннан, ЮХИДИ сайтыннан белергә була. Штраф карар үз көченә кергәннән соң 60 көн эчендә түләнергә тиеш, дип кисәтә район ЮХИДИ бүлеге.