«Сыйфатлы һәм куркынычсыз юллар»

admin, 19 июль 2022 - 09:22

479

Юлларның төзеклеге, сыйфаты республика җитәкчелеге өчен һәрвакыт мөһим мәсьәләләр рәтендә торды. Республика, район әһәмиятендәге юлларны тәртипкә салу, аларны төзекләндерү эшләре ел саен каралып, башкарылып тора.

Агымдагы елның 18 маеннан «Яр Чаллы-Түбән Кама-Иштирәк» автомобиль юлы буенча хәрәкәт ябылган иде. Шул вакыттан алып, бүгенге көнгә кадәр «Сыйфатлы һәм куркынычсыз юллар» милли проекты кысаларында әлеге юлда ремонт эшләре бара.
– Проект буенча автомобиль юлының 5,8 километрга кадәр өлешендә җәмгысы 350 миллион сумлык төзекләндерү эшләре планлаштырылган. Юлны ремонтлауда, төзекләндерү этабына карап, 19 берәмлектән 40 берәмлеккә кадәр техника тәүлеге буена эшли, – дип сөйләде «Татавтодор» АҖе Түбән Кама филиалының юлларны төзекләндерү-салу участогы җитәкчесе Булат Садыйков.
Проект кысаларында әлеге юл участогы тулысынча тәзекләндереләчәк һәм шул ук вакытта юлны яңа, заманча сигналлы приборлар белән тәэмин итү дә күздә тотыла.
«Яр Чаллы-Түбән Кама-Иштирәк» автомобиль юлында ремонт эшләре 30 октябрьга кадәр барыр дип көтелә.
Алсу Тимерханова
Рөстәм Зәкиев фотолары