Ришвәтчелеккә каршы көрәшәләр

9 декабрь коррупциягә каршы көрәш көне буларак билгеләп үтелә. Әлеге дата кысаларында районда бу көннәрдә ришвәтчелеккә каршы чаралар уздырыла. Мәктәпләрдә балалар белән, әти-әниләр белән бу темага сөйләшүләр, түгәрәк өстәлләр үтә, аларда хокук саклау органнары вәкилләре чыгыш ясый. Китапханәләр шушы темага язылган китаплардан күргәзмәләр оештыра, рәсемнәргә, видеороликларга конкурслар үткәрелә, «Чиста куллар», «Барыбыз да коррупциягә каршы» дигән исем астында шахмат-шашка турнирлары һәм башка спорт чаралары уза, буклетлар, календарьлар, блокнотлар таратыла. Шундый чараларның берсе күптән түгел Яр Чаллының «Энергетик» мәдәният сараенда район үзешчәннәренең «Онытылмас моңнар» халык иҗаты фестивале алдыннан үткәрелде.