Прививка ясау дәвам итә

admin, 3 март 2021 - 10:00

637

Район үзәк больницасына коронавирус инфекциясенә каршы беренче һәм икенче компонент вакцина бүгенгә 480шәр данәдә кайтарылган. 403 кеше беренче компонент вакцинаны ясатырга өлгергән, 132 кеше икенче компонентны да ясаткан. Вакцина федераль бюджет хисабыннан – бушлай ясала.

Табиб-эпидемиолог Сергей Вдовин әйтүенчә, авыллардагы ФАПларда да коронавируска каршы прививка ясау мөмкинлекләре тудырылган. Аларда вакцинаны махсус температура режимында саклаучы контейнерлар булдырылган. Прививка ясатырга теләүчеләр үзәк больницага 46-31-02 номерына шалтыратып алдан языла алалар. Шулай ук «Госуслуги» порталына кереп тә язылырга була.