Коррупциягә каршы

admin, 3 март 2021 - 10:55

603

Татарстанда 2020 ел дәвамында коррупцион юнәлештәге 1098 җинаять теркәлгән. Ришвәтчеләр барлыгы 400 млн сумнан артык зыян китергән. Бу турыда республика коррупциягә каршы көрәш буенча координация комиссиясендә ТР Президенты Рөстәм Миңнеханов белдерде.

Җир мөнәсәбәтләре белән бәйле 68 җинаять, сәламәтлек саклау һәм социаль яклау тармагында – 176, төзелеш һәм торак-коммуналь хуҗалыкта – 92, мәгарифтә – 157, агросәнәгать комплексында 29 җинаять исәпкә алынган. Болар – бюджет акчаларын максатчан файдаланмау, дәүләт һәм муниципаль сатып алулар вакытында, дәүләт милкеннән файдалануда законнар бозу.
Рөстәм Миңнеханов мәгълүмат алуда һәм оператив эшләүдә «Халык контроле» системасының зур роль уйнавын билгеләп үтте.