Хөрмәтле Минтимер Шәрипович!
Тукай районының барлык халкы һәм шәхсән үз исемемнән Сезне олуг юбилеегыз белән ихлас йөрәктән тәбрик итәм.
Сез – заманыбызның акыллы, зирәк, олпат шәхесе, халкыбызның яраткан улы. Тукай районы хезмәтчәннәре һәрвакыт сезнең ярдәмне, терәкне тоеп, зур хезмәт җиңүләренә ирешеп килделәр һәм бу бүген дә дәвам итә. Сез – беренче Президентыбыз, күп тапкырлар районыбызда булып, авыл хезмәтчәннәре күңеленә бетмәс рух салдыгыз, инде ил агасы – Дәүләт киңәшчесе буларак тирән, акыллы киңәшләрегез белән ярдәм итәсез.
Татарстаныбызның уңышлары һәм җиңүләре Сезнең исем белән бәйле. Күркәм юбилеегыз белән котлап, Сезгә, Минтимер Шәрипович, исәнлек-саулык, озын гомер телибез.
Фаил Камаев,Тукай муниципаль районы башлыгы.
Следите за самым важным и интересным в Telegram-каналеТатмедиа
Нет комментариев